Armaniston bosh vaziri uchrashuv ishtirokchilariga arman tilida murojaat qildi va tarjimon xizmatidan foydalandi.

Armaniston bosh vaziri Nikol Pashinyan MDH davlatlari rahbarlari orasida Bishkekdagi «SHHT plyus» sammitida rus tilida emas, boshqa tilda nutq so‘zlagan yagona rahbar bo‘ldi.

Pashinyan o‘z nutqini arman tilida so‘zladi va tarjimon xizmatidan foydalandi. Qirg‘iziston, Ozarbayjon, Belarus, Qozog‘iston, Tojikiston va O‘zbekiston rahbarlari esa rus tilida chiqish qildi.

Sammitning boshqa ishtirokchilari — xorijiy davlatlar va xalqaro tashkilotlar vakillari — o‘z ona tillari yoki ingliz tilidan foydalandi.

E’tiborli jihati, Pashinyan bunga qadar bunday xalqaro tadbirlarda an’anaviy ravishda rus tilida nutq so‘zlab kelgan.

Armaniston bosh vaziri o‘z chiqishida Rossiya prezidenti Vladimir Putin bilan Yerevan va Moskva o‘rtasidagi munosabatlarning keyingi strategiyasini muhokama qilish niyati borligini bildirdi.

Pashinyan Janubiy Kavkazda transport kommunikasiyalarini rivojlantirish, jumladan, Zangezur koridori loyihasini amalga oshirish masalasiga ham to‘xtaldi. Ushbu loyiha «Xalqaro tinchlik va farovonlik uchun Tramp marshruti» (TRIPP) deb ham atalmoqda.

SHHT sammiti va «SHHT plyus» formatidagi uchrashuv 31 avgust va 1 sentyabr kunlari Bishkekda bo‘lib o‘tdi.