Pashinyan Putin bilan muloqotni davom ettirish uchun Moskvaga boradi

Armaniston Bosh vaziri Nikol Pashinyan Rossiya Prezidenti Vladimir Putin bilan ochiq va konstruktiv muloqotni davom ettirish uchun Moskvaga tashrif buyurishni rejalashtirmoqda.

Pashinyan bu bayonotni Rossiya rahbari bilan uchrashuvdan keyin ma’lum qildi.

"Men Rossiya Prezidenti Vladimir Putin bilan juda yaxshi uchrashuv o‘tkazdim va biz Moskvaga bo‘lajak tashrifim davomida ochiq va konstruktiv muhokamani davom ettirishga kelishib oldik", dedi Pashinyan.

Uning so‘zlariga ko‘ra, Armaniston-Rossiya munosabatlari ikki mamlakat uchun ham nihoyatda muhimdir.

"Yangi muhitda, yangi sharoitlarda bu munosabatlarni qayta ko‘rib chiqish zarurati tug‘ildi va men ushbu qayta ko‘rib chiqish natijasida munosabatlar yanada yaxshi, yanada konstruktiv, o‘zaro foydali va iliqroq bo‘lishiga aminman", deb ta’kidladi Armaniston Bosh vaziri.