Operasiyaga puli bo‘lmagan erkak oyog‘ini o‘zi uzib tashladi

Ukrainaning Akxirka shahrida xuddi kinolardagidek hodisa yuz berdi: tibbiy yordamdan voz kechgan erkak oyog‘ini o‘zi kesib tashladi.

Ko‘prik ostidagi tashlab ketilgan oyoqni esa o‘sha hududda yashaydigan insonning iti topib olgan. U esa o‘z navbatida polisiyaga murojaat qilgan.

Tergovchilarning ma’lum qilishicha, oyoq gangrenadan aziyat chekkan insonga tegishli bo‘lgan.

Ta’kidlanishicha, ukrainalik puli yo‘qligi bois kasalxonada davolanish va operasiyadan voz kechgan. Oyog‘i esa kundan-kunga yomonlashib borayotganiga qaramay, qarindoshlari uni kasalxonadan olib chiqib, ketishgan.

Bir necha kundan keyin oyog‘ ko‘prik ostida paydo bo‘lgan. Ayni paytda erkakning oyog‘ini qanday qilib kesib tashlaganligi aniqlanmoqda.