"Olx .uz" e’lonlar sayti orqali fuqarolarning pullarini o‘zlashtirgan firibgar qo‘lga olindi
Toshkent shahar Yunusobod tumanida yashovchi, fuqaro X.D. ariza bilan murojaat qilib, “Olx .uz” e’lonlar saytida xonadon ijarasi to‘g‘risidagi e’lon bo‘yicha noma’lum shaxsga 560.000 so‘m pullarni o‘tkazib berganligini shundan so‘ng, saytdagi e’lon yo‘qolib qolganligini ko‘rib, firibgarga uchraganligini tushunib, noma’lum shaxsga nisbatan qonuniy chora ko‘rishlikni so‘ragan.
Olib borilgan tezkor-qidiruv tadbirlari natijasida, pullarni o‘zlashtirgan shaxs, Xorazm viloyati Yangiariq tumanida yashovchi, 2002 y.t., A.I. ekanligi aniqlangan.
A.I. ushbu firibgarlik yo‘li bilan boshqa bir nechta fuqarolarni aldab, pullarini o‘zlashtirganligi va shaxsiy extiyojlari uchun ishlatib yuborganligi ma’lum bo‘ldi.
A.I. ga nisbatan O‘zR. JKning 168-moddasi bilan jinoyat ishi qo‘zg‘atilib, tergov harakatlari olib borilgan.