OAV: Pentagon Ukraina uchun qurollar yaratish bo‘yicha 1,3 mingta taklif olgan

Pentagon Ukraina uchun innovasion qurollar ishlab chiqarish bo‘yicha 800 ta kompaniyaning 1,3 mingta taklifini ko‘rib chiqmoqda, deb xabar bermoqda CNN telekanali AQSh mudofaa vazirligi vakilining bergan ma’lumotiga tayanib.

Xabarda aytilishicha, Pentagon ushbu takliflarni yaqin haftalarda saralab olishga umid bildirgan.

Telekanal bergan xabarda keltirilishicha, Pentagon so‘ragan qurollar Ukraina tomonidan aniqlab olingan bo‘lib, harbiy ehtiyojning muhim qismlarini o‘z ichiga oladi. Masalan, havo hujumiga, tanklarga, piyodalarga qarshi ishlatiladigan hamda sohillarni qo‘riqlash uchun zarur bo‘lgan qurollar shular jumlasidandir.

Shuningdek, ro‘yxatga uchuvchisiz boshqariladigan aviasiya tizimlari, aloqalarni himoya qilish tizimlari ham kiritilgan.