Nishonga urilgan gaplar: “Albatta, Alloh O‘ziga iltijo qilgan, yordam va panoh so‘ragan qalbni yordamsiz qoldirmaydi!”
Quyida keltiriladigan fikrlar, hikmatlar saytlardan va ijtimoiy tarmoqlardagi turli sahifalardan olib tarjima qilingan.
*****
Agar Alloh taolo sen uchun bir ishning ro‘yobga chiqishini iroda qilsa, uning sabablarini senga tayyorlab qo‘yadi. Sen chin qalbdan Ey Robbim! deb duo qilgin!
Fikr durdonalari
*****
Omonlik bir satrda:
Albatta, Alloh O‘ziga iltijo qilgan, yordam so‘ragan, panoh so‘ragan qalbni yordamsiz qoldirmaydi!
*****
Aybimni hech kim yo‘q joyda yuzimga aytgan insondan Alloh rozi bo‘lsin!
*****
Shoshilish kerak bo‘lgan o‘rinlar:
- Namozni vaqtida o‘qish.
- Janozani tezlatish.
- Tengi topilgan yigit-qizni uylantirib, turmushga berish.
- Qarzni uzish.
- Mehmonni ikrom qilish.
*****
- Nutfadan yaratilganmiz.
- Aslimiz loydan.
- Eng qimmat libos (ya’ni, ayollar kiyadigan ipak liboslar) ipak qurtidan olinadi.
- Eng mazali taomimiz (ya’ni, asal) asalaridan olinadi.
- Yotadigan joyimiz yer tagidagi chuqurlikdir.
Bas, shunday ekan, nega manmanlik qilamiz?!
Xovatir roqiya jurnali
*****
Nuqta qo‘yishing kerak bo‘lgan o‘rinda vergul qo‘yishni bas qil!
Tarix muhrlagan so‘zlar
*****
To‘ng‘iz bilan balchiqda kurash tushib o‘ynama. Sening hamma joying iflos bo‘ladi, u esa bundan mazza qiladi.
Ingliz maqoli
*****
Zulmning oldida jim turish zolimga yordam berishdir.
Tarix muhrlagan so‘zlar
*****
Internet materiallaridan to‘plab, tarjima qiluvchi
Nozimjon Iminjonov
Manba: muslim.uz
