Navoiyda Xalqaro shaxmat maktabi tashkil qilindi
“Shaxmatni yanada ommalashtirish va rivojlantirish bo‘yicha qo‘shimcha chora-tadbirlar to‘g‘risida”gi Prezident qarori (PQ–347-son, 05.08.2022 y.) qabul qilindi.
✅ Qarorga muvofiq, Navoiy viloyatida yuridik shaxs maqomiga ega bo‘lgan maktabdan tashqari davlat sport-ta’lim muassasasi hisoblangan Xalqaro shaxmat maktabi tashkil qilindi.
🗓 Har yili o‘tkazib kelinayotgan Prezident sovrini uchun xalqaro shaxmat turnirining final bosqichi 2023 yildan boshlab Xalqaro shaxmat maktabida o‘tkaziladi.
🔰 Qarorga ko‘ra, 2023 yildan har yili tizimli ravishda quyidagi musobaqalar o‘tkaziladi:
🔹yoshlar o‘rtasida barcha hududlarda “Rokirovka” turniri;
🔹keksa avlod vakillari o‘rtasida “Nuroniylar” kubogi uchun;
🔹nogironligi bo‘lgan shaxmatchilar o‘rtasida “Cheksiz imkon” turniri;
🔹8 mart – Xalqaro xotin-qizlar kuniga bag‘ishlangan, 50 ming AQSh dollari miqdorida mukofot fondiga ega “Women’s Chess Championship” xalqaro turniri;
🔹MDH, Shanxay hamkorlik tashkiloti va Turkiy davlatlar tashkilotiga a’zo mamlakatlar shaxmatchilari o‘rtasida an’anaviy “Uzbekistan Chess Open” xalqaro turniri.
⏩ 2022/2023 o‘quv yilidan umumiy o‘rta ta’lim maktablari, o‘rta maxsus, professional va OTM hamda hududlardagi Yoshlar markazlarida shaxmat to‘garaklari faoliyati yo‘lga qo‘yiladi.
☑️ Shuningdek, har yili Xalqaro shaxmat maktabida jahonning mashhur xalqaro grossmeysterlari ishtirokida yosh shaxmatchilar uchun trening va mahorat darslarini o‘z ichiga olgan mavsumiy oromgohlar tashkil etiladi.
