Navoiy viloyatida 1,3 mlrd so‘mlik byudjet mablag‘lari talon-toroj qilindi

Bosh prokuratura huzuridagi Departamentning Navoiy viloyati boshqarmasi tomonidan o‘tkazilgan tergovga qadar tekshiruvda “Navoiysuvqurilishinvest” DM, Quyi Zarafshon irrigasiya tizimi Havza boshqarmasi huzuridagi meliorativ ekspedisiya, “N.S.” va “B.Z.” MCHJlar mas’ul shaxslari o‘zaro til biriktirib, shartnomalarga asosan “DIVER” qurilmalari uchun to‘lovlar to‘liq amalga oshirilgan bo‘lsa-da, qo‘shib yozish natijasida 1,3 mlrd so‘mlik byudjet mablag‘larini o‘zlashtirish yoki rastrata yo‘li bilan talon-toroj qilganliklari aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.