Muqobil energiyadan 25 foiz ehtiyojini qoplagan iste’molchilarga mol-mulk va yer solig‘idan imtiyoz berilishi kutilmoqda
Shavkat Mirziyoyev raisligida o‘tgan elektrotexnika sanoatiga bag‘ishlangan yig‘ilishda:
— Toshkent viloyatida elektr jihozlari ishlab chiqarish bo‘yicha 58 million dollarlik 14 ta loyihani;
— Farg‘ona viloyatida maishiy texnika va kabel simlari ishlab chiqarish bo‘yicha 56 million dollarlik 9 ta loyihani;
— Andijon viloyatida 34 million dollarlik maishiy texnika ishlab chiqarish bo‘yicha 8 ta loyihani ishga tushirish bo‘yicha topshiriq berildi.
Hozirda o‘z ehtiyojini 100 foiz muqobil energiyadan qoplagan va tarmoqdan to‘liq uzilgan iste’molchilarga soliq imtiyozlari qo‘llanadi.
Moliya va energetika vazirliklariga muqobil energiyadan 25 foiz ehtiyojini qoplagan iste’molchilarga ham mol-mulk va yer solig‘idan imtiyoz berish bo‘yicha taklif kiritish topshirildi.