Mirziyoyev aholining yog‘ va go‘shtga bo‘lgan talabini qondirish bo‘yicha ko‘rsatma berdi

Prezident Shavkat Mirziyoyev 12 may kuni bo‘lib o‘tgan videoselektor yig‘ilishida oziq-ovqat mahsulotlari yetishtirishni ko‘paytirish bo‘yicha topshiriq berdi.

Davlat rahbari matbuot xizmati xabariga ko‘ra, joriy yilda chorvachilik yo‘nalishida mingta, parrandachilikda 277 ta korxonani ishga tushirish rejalashtirilgan.

Bundan tashqari, 1 million gektardan ziyod asosiy maydonlarda hamda ekinlardan bo‘shaydigan yerlarda sabzavot, kartoshka, sholi, poliz va ozuqa mahsulotlarini yetishtirish mo‘ljallangan.

Prezident yog‘-moy mahsulotlariga aholi talabini qondirish maqsadida joriy yilda 246 ming tonna moyli ekinlar yetishtirib, 86 ming tonna moy ishlab chiqarish bo‘yicha mutasaddilarga ko‘rsatma berdi.