MIR kartalariga xizmat ko‘rsatish profilaktika ishlari sababli vaqtincha to‘xtatilgan — UZCARD bayonoti

Yagona umumrespublika prosessing markazi o‘z veb sayti orqali "MIR" kartalari bo‘yicha amaldagi vaziyat yuzasidan izoh berdi.

Bayonotda UZCARD to‘lov tizimi ishtirokchisi tomonida texnik va profilaktik ishlar olib borilishi sababli, 2022 yil 23 sentyabr kuni soat 09:00 dan UZCARD infratuzilmasida “MIR” kartalariga hamda xorijda UZCARD – “Mir” kobeyjing kartalarga xizmat ko‘rsatishni vaqtincha to‘xtatilgani haqida ma’lum qilgan.

Shuningdek, UZCARD – “MIR” kobeyjing kartalari O‘zbekiston Respublikasi hududida UZCARD to‘lov tizimi infratuzilmasida odatdagidek ishlashni davom etadi, deyilgan xabarda.