Messi faoliyatini "Barselona"da yakunlashini istashmoqda

"Barselona" prezidenti Joan Laporta yana bir bor Leo Messi haqida gapirdi. U argentinalik futbolchilik faoliyatini Kataloniyada yakunlashini istaydi.

"Barchamizga ayonki, Leoning "Barsa"dagi faoliyati barchamiz xohlagandek tugamagan. Lekin sodir bo‘lgan voqea uchun o‘zimni mas’ul his qilyapman. Shu bilan birga, uning klubdan ketishi vaqtinchalik hodisa ekanligini istisno etmayman.

Klub Leo oldida ma’naviy majburiyatga ega va men uni "Barselona" libosida futbol o‘ynashni to‘xtatishini istayman. U qayerda bo‘lmasin va nima qilsa ham olqishlarga loyiq edi", dedi Laporta.