Leypsigda portlovchi moddalar topilgan samolyot o‘q-dorilar bilan to‘ldirilganligi ma’lum bo‘ldi

5 avgust kechasi Germaniyaning Leypsig-Galle aeroportida portlovchi moslama olib ketayotgan dron topilgan Ukrainaning Antonov yuk samolyotida o‘q-dorilar bo‘lgan.

Bu haqda Germaniyaning WDR, NDR telekanallari hamda Suddeutsche Zeitung gazetasi xabar berdi.

Maxfiy polisiya hisobotiga ko‘ra, bu o‘q-dorilar Leypsigga hodisadan sal oldin Fransiyadan yetkazib berilgan va ehtimol keyingi tashish uchun mo‘ljallangan bo‘lgan. Dron bilan bog‘liq hodisaga aloqador shaxslarning shaxsi noma’lumligicha qolmoqda. Leypsig aeroporti shuningdek, NATO uchun harbiy tashishlarni amalga oshiradi.

Drezden Bosh prokuraturasi tergovni Saksoniya shtati Jinoyat qidiruv boshqarmasi bilan hamkorlikda olib bormoqda. Ekstremizmga qarshi va terrorizmga qarshi bo‘linmalar ham ishtirok etmoqda.