Laportaning orzusi: "Messi va Ronaldu «Barsa»da birga o‘ynashlarini xohlayman!" U amalga oshadimi?

«Barselona» prezidenti Joan Laporta avvalroq «Real»da o‘ynagan «Yuventus» hujumchisi Krishtianu Ronalduni jamoasiga taklif etishni xohlaydi.

AS'ning yozishicha, Lionel Messi bilan shartnomani uzaytirish borasida kelishib olgan menejer portugaliyalik futbolchini «Barsa»ga taklif qilishni o‘ylagan. Laporta ikki yulduzning Kataloniya klubida birga o‘ynashlarini xohlaydi.

Kataloniya klubi 36 yoshli hujumchi uchun «Yuventus»ga ikki futbolchisini taklif qilmoqchi. Bu borada Antuan Grizmann, Serji Roberto va Filippe Koutinyo variantlari aytilmoqda.

«Barsa» rahbariyatining fikriga ko‘ra, Ronaldu va Messi birgalikda o‘ynash orqali katta daromad olishadi.