Koronavirusga qarshi kurashayotgan hamshira ko‘zda yosh bilan ommaga murojaat qildi (VIDEO)
Buyuk Britaniyaning Esseks okrugida yashovchi bir hamshiraning videosi tarqaldi, unda u o‘z hamkasblari koronavirus bilan kasallangan bemorlarning ko‘pligini qanday yengayotgani haqida gapirib, barcha vatandoshlarni o‘zlarini izolyasiya qilishga chaqirgan.
Shirli Uottsning so‘zlariga ko‘ra, pandemiya tufayli sog‘liqni saqlash tizimiga ko‘p yuklama tushgan va u ishlayotgan shifoxonada xodimlar yetarli emas. Hamshiraning ko‘zlarida yosh bilan aytishicha, shifokorlar va hamshiralar infeksiyaga qarshi kurashish uchun bor kuchlarini sarflamoqdalar.
"Biz odamlarni va ularning yaqinlarini qutqarish uchun qo‘limizdan kelganini qilyapmiz. Hammamiz tiz cho‘kkanmiz. Biz bunga ko‘nganmiz, ammo qo‘limizdan kelganicha harakat qilamiz", deydi u.
Uottsning ta’kidlashicha, ushbu "umidsiz vaziyatda" tibbiyot xodimlari o‘zlarini har kuni xavf-xatarga duchor bo‘lishga va qarindoshlaridan yiroq bo‘lishga majbur qilishmoqda.
Britaniyalik hamshira barchani uyda qolishga va rasmiylar tomonidan qabul qilingan choralarga rioya qilishga chaqirdi. Agar kimdir biron bir sababsiz tashqariga chiqsa yoki kompaniyaga boradigan bo‘lsa, u holda odamlar bu haqda ogohlantirishi va vaziyatning barcha xavfini tushuntirishi kerak, dedi Uotts.
"Endi biz bu jangni yutqazayotganga o‘xshayapmiz. <...> Agar kimdir bu unchalik jiddiy emas deb aytsa va siz sayr qilishingiz mumkindek tuyilsa, to‘xtang. Boshqalarga ham bunday qilmasliklarini ayting", dedi u.
