Kasbida 3 yashar qizini urib o‘ldirgan onadan boshqa farzandi olib qo‘yildi

Qashqadaryo viloyati Kasbi tumanida 3 yashar qiz og‘ir tan jarohatlari oqibatida vafot etgani ortidan oiladagi boshqa voyaga yetmagan bola xavfsizligini ta’minlash maqsadida yaqin qarindoshining qaramog‘iga berildi.

Dastlabki ma’lumotlarga ko‘ra, voqea 26 sentyabr kuni sodir bo‘lgan. Holat yuzasidan jinoyat ishi qo‘zg‘atilib, hozirda prokuratura tomonidan tergov olib borilmoqda.

Bolaning xavfsizligi va huquqlari nazoratga olingan. Unga psixologik va tibbiy yordam ko‘rsatilmoqda hamda ta’limini uzluksiz davom ettirishi ta’minlanmoqda.