Karantin: bitta do‘konga 11 marta borgan kampir jazolandi

Italiyaning La Repubblica gazetasi xabariga ko‘ra, Italiyaning shimoliy-sharqidagi keksa bir ayol qattiq karantin paytida 11 marta oziq-ovqat do‘koniga borgan va unga jarima solingan. Hodisa shanba kuni Italiyaning shimoliy-sharqidagi Friuli-Venesiya-Juliya viloyatidagi Grado kichik shaharchasida yuz berdi, deb xabar beradi mahalliy "Il Piccolo" nashri.

Ta’kidlanishicha, italiyalik keksa ayolni ko‘chada polisiya kuzatib qo‘ygan. U yana bir bor xarid qilish uchun borganida, huquq-tartibot idoralari xodimlari uni uyda qolishga undashdi, ammo bu ish bermadi. Italiyalik ayol o‘n birinchi marta oziq-ovqat do‘koniga chiqqanida, polisiyachilar unga 280 yevro miqdorida jarima solishdi. Bundan tashqari, nashrga ko‘ra, agar ayol 30 kun ichida uni to‘lamasa, jarima miqdori 400 yevroga oshadi.