Jizzaxda hamshira nega kaltaklandi?
Jizzax viloyati ichki ishlar boshqarmasi Axborot xizmati hududda bir qator qonun buzilish holatlari sodir etilgani haqida xabar berdi.
Jumladan, Sharof Rashidov tuman tibbiyot birlashmasi hamshirasi shu tumandagi “Samarqand quduq” mahalla fuqarolar yig‘inida istiqomat qiluvchi fuqaro Hayiqboy Uyuqboyev (ism-sharifi o‘zgartirilgan) tomonidan “Nega onamga qaramayapsan?” deya urib, tan jarohati yetkazilgan.
Kaltaklanish oqibatida hamshira bosh miya chayqalishi tashxisi bilan tuman tibbiyot birlashmasining shoshilinch bo‘limiga yotqizilgan.
Ayni paytda, mazkur holat yuzasidan Sharof Rashidov tuman IIB mas’ul xodimlari tomonidan tergovga qadar tekshiruv olib borilmoqda.
Endi hamshirani kaltaklagan zo‘ravon qonun oldida javob beradi.