Jizzaxda elektron muzey o‘rnatildi
Jizzax shahri Shodlik mahallasida "NazzAR" startap loyihasining elektron muzeyi o‘rnatildi. Bu haqda Innovasion rivojlanish vazirligi matbot xizmati xabar bermoqda.
Ta’kidlanishicha, SmartChain AT kompaniyasi direktori Bobur Rahimov bilan davra suhbati tashkil etigan va unda "NazzAR" innovasion startap loyihasi va uning ahamiyati tushunchalar berilgan.
Innovasion rivojlanish vazirligi tomonidan qo‘llab-quvvatlab kelinayotgan startap loyihalaridan biri – to‘ldirilgan reallikka asoslangan "NazzAR" mobil ilovasini yaratgan SmartChain AT kompaniyasidir.
"NazzAR" startap loyihasi har qanday moddiy vositaga kengaytirilgan reallik elementlarini birlashtirishi mumkin bo‘lgan innovasion dasturdir.
Smartfon orqali "NazzAR" belgisiga yo‘naltirilganda mobil qurilma ekranida real ob’ektlarning 3D shakllari, video roliklari, suratlar jonlanadi.