Jigar surunkali virusli kasalliklarining yagona elektron reestri ishlab chiqiladi
“Ayrim dolzarb virusli infeksiyalar tarqalishiga qarshi kurashish chora-tadbirlarini takomillashtirish to‘g‘risida”gi Prezident qarori (PQ–243-son, 16.05.2022 y.) qabul qilindi
✅ Qarorga muvofiq, 2022 yil 1 iyuldan har yili respublika aholisini virusli gepatit “V” va “S” turlariga skrining tekshiruvlari soni 1 million nafargacha, polimeraza zanjir reaksiyasi (PZR) tekshiruvlari soni 15 ming nafargacha, virusli gepatit “S” turi bilan kasallangan bemorlarni davolash 10,5 ming nafargacha yetkaziladi.
❗️2022 yil 1 sentyabrdan Ma’muriy javobgarlik to‘g‘risidagi kodeksning 190-moddasida (https://lex.uz/docs/97664#200590) nazarda tutilgan huquqbuzarliklarni sodir etgan shaxslarga nisbatan javobgarlikni belgilash bilan birga ularni o‘z hisobidan gepatitning “V” va “S” turlariga skrining tekshiruvlaridan o‘tkazish tartibi joriy etiladi.
📁Qarorga ko‘ra, 2022 yil 1 noyabrgacha jigar surunkali virusli kasalliklarining yagona elektron reestri ishlab chiqiladi.
☑️ 2022 yil 1 iyuldan Virusologiya ilmiy-tadqiqot institutida hamda Qoraqalpog‘iston Respublikasi, Navoiy, Buxoro, Qashqadaryo, Surxondaryo, Jizzax va Sirdaryo viloyatlaridagi tegishli muassasalarda Qrim-Kongo gemorragik isitmasi bilan kasallanib tuzalganlarning (donorlarning) qon plazmasi banki yaratiladi.
➡️ 2022 yil 1 iyuldan nodavlat tibbiyot tashkilotlari qon va uning tarkibiy qismlari bilan ishlayotgan xodimlar gepatit “V” infeksiyasiga qarshi emlanadi.
🗓 2024 yil 1 yanvardan nodavlat tibbiyot tashkilotlarida qon va uning tarkibiy qismlari bilan ishlayotgan xodimlarning gepatit “V” infeksiyasiga qarshi emlangan bo‘lishi hamda Reestrning yuritilishi tibbiy faoliyatni lisenziyalash talablari va shartlaridan biri hisoblanadi.
💰2022 yil 1 iyuldan har yili keng tarqalgan virusli infeksiyalar muammolarining ilmiy yechimini ta’minlashga qaratilgan loyihalarga tanlovlar asosida mablag‘lar ajratiladi.
🔘 Qarorga ko‘ra, 2022–2023 yillarda epidemiologik ko‘rsatmaga muvofiq, davlat sog‘liqni saqlash tizimidagi 119 016 nafar xodimning (shundan 2022 yilda 47 605 nafari) gepatit “V” infeksiyasiga qarshi emlanishi nazarda tutilgan.