Ishga kiritib qo‘yish evaziga 1.500 AQSh dollari miqdorida pora talab qilgan shaxs qo‘lga olindi

Joriy yilning 6 may kuni Sirdaryo viloyati IIB Transportda XTBga fuqaro A.N. ariza bilan murojaat qilib, unda A.U. ismli fuqaro Xovos bekati vagonlarni ta’minlash Deposiga ishga kiritib qo‘yish evaziga 1.500 AQSh dollari so‘raganini ma’lum qilgan.Shu kuni Transportda XTB JQB va tegishli huquqni muhofaza qiluvchi organlar bilan hamkorlikda o‘tkazilgan tezkor tadbir davomida «Xovos-Yangiyer» yo‘nalishidagi M-34 avtoyo‘lida A.U. arizachi A.N.dan 1.500 AQSh dollarini olgan vaqtida tadbir ishtirokchilari tomonidan ashyoviy dalillar bilan qo‘lga olingan.

Hozirda mazkur holat yuzasidan tergovga qadar surishtiruv harakatlari olib borilmoqda.