Internetda mualliflik huquqlarini himoya qilishga oid xalqaro bitim tasdiqlandi

“Xalqaro shartnomani tasdiqlash to‘g‘risida”gi Prezident qarori (PQ–385-son, 03.10.2022 y.) qabul qilindi

📝 Qaror bilan 2021 yil 12 noyabrda Mustaqil Davlatlar Hamdo‘stligi ishtirokchi-davlatlarining Hukumat rahbarlari kengashi yig‘ilishida imzolangan MDH ishtirokchi-davlatlarining axborot-telekommunikasiya tarmoqlarida mualliflik va turdosh huquq ob’ektlariga bo‘lgan huquqlarni muhofaza va himoya qilish bo‘yicha hamkorligi to‘g‘risidagi Bitim tasdiqlandi.

🏢 Adliya vazirligi va Axborotlashtirish va telekommunikasiyalar sohasida nazorat bo‘yicha davlat inspeksiyasi shartnomani amalga oshirish uchun mas’ul hisoblanadi.