Indoneziya B50 biodizelidan foydalanishni majburiy qilgan dunyoda birinchi davlatga aylandi

Bu haqda Reuters xabar bermoqda.

"​Dunyoda birinchi bo‘lib palma yog‘i asosidagi biodizeldan foydalanishni joriy etdik, u oddiy dizel yonilg‘isiga 50% hajmda qo‘shiladi", — deb bayonot berdi mamlakat Energetika vaziri Prabovo Subianto.

​Energetika vazirligining fikricha, bu joriy yilning o‘zidayoq 3–4 million kilolitr hajmdagi dizel yonilg‘isi ortiqchaligini yuzaga keltiradi, undan aviasiya kerosini ishlab chiqarish rejalashtirilmoqda.

Uning tarkibida 50% palma yog‘iga asoslangan bioyoqilg‘i mavjud. B50 biodizel yoqilg‘isi — bu 50% biodizel va 50% oddiy dizel yoqilg‘isidan tashkil topgan aralashma. Bu yerdagi "B" — Biodiesel, "50" esa aralashmada biodizelning ulushi 50% ekanini anglatadi.

Biodizel quyidagi xomashyolardan olinadi:
palma yog‘i;
soya yog‘i;
raps yog‘i;
kungaboqar yog‘i;
hayvon yog‘lari;
ishlatilgan ovqat tayyorlash yog‘lari.

Bular kimyoviy qayta ishlanib, dizel dvigatellari uchun mos yoqilg‘iga aylantiriladi.