Ilhom Aliyev Armaniston bilan tinchlik shartnomasi tuzish haqida gapirdi

Ozarbayjon prezidenti Ilhom Aliyevning fikricha, muayyan shartlar ostida Armaniston bilan tinchlik shartnomasi 2022 yil oxirigacha imzolanishi mumkin.

"Agar Armaniston tomonining istagi bo‘lsa, shu yil oxirigacha tinchlik shartnomasi imzolanishi mumkin. Vaqt o‘tib bormoqda. Garchi tashqi ishlar vazirlarining birinchi uchrashuvi muvaffaqiyat keltirmagan bo‘lsa-da, menimcha, bu uchrashuv ijobiy qadam hisoblanadi. O‘ylaymanki, agar yaqin orada qaror qabul qilinsa, agar tomonlar ishchi guruhlar doirasida tinchlik shartnomasi matni ustida ish boshlasa, yil oxiriga qadar kelishuvga erishishimiz mumkin", - dedi Aliyev.