Hindistonda amaldor bo‘lgan harbiy vertolyot qulab tushdi, qurbonlar ko‘p
Hindiston Qurolli Kuchlari bosh shtabi boshlig‘i general Bipin Ravat bo‘lgan Hindiston harbiy-havo kuchlarida vertolyotning qulashi oqibatida halok bo‘lganlar soni 13 kishiga yetdi. Bu haqda NDTV telekanali xabar berdi.
Avvalroq telekanal besh kishi halok bo‘lgani haqida xabar bergan edi. Bosh shtab boshlig‘ining holati rasman e’lon qilinmagan.
Hindiston Harbiy-havo kuchlari matbuot xizmati chorshanba kuni Twitterda General Ravat bo‘lgan Harbiy havo kuchlarining Mi-17B-5 vertolyoti Tamilnadu shtatining Kunura shahri yaqinida qulaganini ma’lum qildi. Hodisa sabablarini aniqlash uchun tergov ishlari boshlangan.
Ravatga rafiqasi va yuqori martabali harbiy xizmatchilar hamrohlik qilgan.
Mudofaa shtabi boshlig‘ining vazifasi Hindiston Qurolli Kuchlarining barcha uchta bo‘limi: quruqlik qo‘shinlari, havo kuchlari va dengiz flotining harakatlarini muvofiqlashtirishdir. U xavfsizlik va mudofaa ta’minoti masalalari bo‘yicha Bosh vazir bilan bevosita aloqada bo‘lishi va unga mudofaani uzoq muddatli rejalashtirish va Qurolli Kuchlarni boshqarish bo‘yicha maslahat berishi kerak. Shu bilan birga, quruqlikdagi qo‘shinlar, dengiz floti va havo kuchlari shtab boshliqlari Bosh shtab boshlig‘iga bo‘ysunadi.
