Hid bilishni mashq qilish tadqiqoti

Hid bilish qobiliyatini yo‘qotish – koronavirusning asosiy simptomlaridan biri. Ba’zilarda bu qobiliyat tuzalishi bilan tiklansa, ba’zilar oylab hid sezmasdan yashayapti.

Bunda asosiy yo‘l sifatida ko‘pchilik vrach qabuliga borib, tavsiya asosida dorilar ichishni boshlaydi. Biroq Sharqiy Angliya universiteti professori Karl Filpot hid bilishni tiklashning boshqa usulini tadqiq qildi. 

Bir necha oy kuniga 2 marta bir-biridan farq qiladigan 4 xil narsani hidlash. Buning bilan miya hidlarni tanib olishga o‘rganadi. Karl Filpot tadqiqotida qatnashgan 90 foiz odam shu usul bilan 6 oyda barcha hidlarni to‘liq biladigan bo‘lgan.