Haydovchilik guvohnomasini olib berishni va’da qilgan o‘rgatuvchi instruktor ushlandi
🔹Bosh prokuratura huzuridagi Departamentning Jizzax viloyat boshqarmasi tomonidan IIB xodimlari bilan hamkorlikda o‘tkazilgan tezkor tadbirda, “G‘allaorol o‘quv-sport texnika klubi” UK o‘rgatuvchi instruktori O‘.B. fuqaro D.J.ning ishonchiga kirib, unga “B” va “S” toifali haydovchilik guvohnomasi olib berish evaziga 4,5 mln so‘mni olgan vaqtda ashyoviy dallilar bilan ushlangan.
🔹Mazkur holat yuzasidan Jinoyat kodeksining 25, 168-moddasi (firibgarlik) bilan jinoyat ishi qo‘zg‘atilib, tergov harakatlari olib borilmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)