Habib Nurmagomedov otasining o‘limidan keyin faoliyatini yakunladimi?

Rossiyalik jangchi Habib Nurmagomedovning menejeri Ali Abdel-Aziz tvitterdagi sahifasida sportchining karyerasini tugatgani haqidagi ma’lumotlarga munosabat bildirdi.

«Ba’zi rus ommaviy axborot vositalari menga Habibning faoliyatini yakunlaganligi haqida gapirishdi. Bu mutlaqo yolg‘on. Habib otasining vafotidan keyin motam tutmoqda”, – deb yozdi Abdel-Aziz. U vaziyatga xayrixoh bo‘lishni va soxta yangiliklarga e’tibor bermaslikni so‘radi.

Ma’lumot uchun, Habib Nurmagomedovning otasi Abdulmanap Nurmagomedov 3 iyul kuni koronavirusdan vafot etgandi.