Geyts xonim ajrimdan so‘ng 65 mlrd dollar olishi mumkin

27 yil davomida birga hayot kechirgan Bill va Melinda Geytsning ajrashish haqidagi qarori jamoatchilik orasida katta shov-shuvga sabab bo‘ldi. Ma’lumotlarga ko‘ra, ajrashish uchun Melinda Geyts ariza topshirgan va turmush o‘rtog‘idan hech qanday aliment talab qilmasligini aytgan.

Jarayon eng qimmat ajrim sifatida tarixga kirishi mumkin. Qonunga muvofiq, Melinda Geytsga oila boyligining 65 milliard dollari berilishi kutilmoqda.

Sobiq juftlik o‘rtasida hech qanday nikoh shartnomasi bo‘lmagan. Shunga qaramasdan, nikohda to‘plangan boylik o‘rtasidan teng taqsimlanadi.