Germaniya Rossiya va NATO o‘rtasida keskinlashuvga yo‘l qo‘ymaslik tamoyiliga amal qiladi — Olaf Shols

Germaniya kanslerining ta’kidlashicha, AQSh hukumati Abrams tanklarini yetkazib berishga rozi bo‘lish shartini bajargach Ukrainaga tanklar yetkazib berish bo‘yicha bu yondashuv bugun ma’qullangan.

"Biz Ukrainani qo‘llab-quvvatlash uchun zarur va qo‘limizdan kelgan barcha ishni qilishimizni, shu bilan birga urushning Rossiya va NATO o‘rtasidagi urushga aylanib ketishiga yo‘l qo‘ymasligimizni doimo ochiq aytishimiz kerak. Yevropada Ukrainaga eng ko‘p qurol yetkazib bergan Germaniya va Buyuk Britaniya bo‘lib turibdi. Darxaqiqat, Berlin Ukrainani qo‘llab-quvvatlash borasida doimo birinchi o‘rinda turadi", — deya ta’kidladi u o‘z nutqida.