Gazodagi urushda 20 000 dan ortiq isroillik askar jarohatlandi

2023 yil oktyabrida boshlangan G‘azodagi urushdan beri 20 000 dan ortiq Isroil armiyasi askari jarohat olgan, deb xabar berdi Isroil Mudofaa vazirligi.

❗ Ularning taxminan 56 foizi turli ruhiy buzilishlar, xususan posttravmatik stress sindromi (PTSD) dan aziyat chekmoqda. Bu esa urushning askarlar psixikasiga qanday ta’sir qilganini ko‘rsatadi.

🔹 Jarohat olganlarning 64% qismi — zaxiradagi askarlar. Har oy taxminan 1000 nafar yangi jarohatlangan harbiy shifokor nazoratiga tushmoqda.

📈 Mudofaa vazirligi ma’lumotiga ko‘ra, 2028 yilga borib 100 000 ga yaqin urush veterani davlat nazoratida bo‘ladi. Ulardan kamida yarmi PTSD va shu kabi ruhiy kasalliklardan aziyat chekishi kutilmoqda.

🟥 Eslatib o‘tamiz, 2023 yil oktyabridan beri Isroil armiyasi G‘azoda 65 000 ga yaqin falastinlikni o‘ldirgan, ularning aksariyati — ayollar va bolalar.