Fransuzlarning qariyb 80 foizi xarajatlarini qisqartirishga majbur

Fransiya aholisining qariyb 80 foizi xarajatlarini qisqartirishga majbur bo‘lmoqda. Bu BFMTV buyurtmasi asosida Elabe kompaniyasi o‘tkazgan so‘rov natijalaridan ma’lum bo‘ldi.

«2026 yil kuzi arafasida fransuzlarning 79 foizi kamxarj yashashga majbur ekanini bildirgan. Ularning 53 foizi xarajatlarni biroz, 26 foizi esa sezilarli darajada qisqartirishga to‘g‘ri kelayotganini aytgan», — deyiladi materialda.

Tadqiqotda qayd etilishicha, xarid qobiliyatiga bosim aholining barcha qatlamlariga ta’sir qilmoqda.

Oddiy xizmatchilar va ishchilar orasida tejashga majbur bo‘layotganlar ulushi 90 foizni tashkil etgan. Rahbarlar va yuqori malakali mutaxassislar orasida esa bu ko‘rsatkich 59 foizga teng.