Fransiyada qasddan yong‘in chiqarishda gumonlanib 32 kishi qo‘lga olindi

Fransiyaning 22 ta departamentida qasddan yong‘in chiqarishda gumon qilingan 32 nafar shaxs hibsga olingan. Mamlakat Ichki ishlar vazirligi bunday harakatlar halokatli oqibatlarga olib kelishini va o‘t o‘chiruvchilar hamda aholi hayotini xavf ostiga qo‘yishini bildirgan.

Prezident Emmanuel Makron esa fuqarolarni yong‘inlarning oldini olishda mas’uliyatli bo‘lishga chaqirgan.

Fransiyaning bir qator hududlarida bir necha kundan beri jazirama issiq ob-havo sababli yirik o‘rmon yong‘inlari davom etmoqda.