Fransiya terma jamoasi muxlislari Ispaniyaga qarshi yarimfinal o‘yinini qayta o‘tkazishni talab qilmoqda

Fransiya terma jamoasi muxlislari JCH-2026 yarimfinalidan o‘rin olgan Ispaniyaga qarshi o‘yinni qaytadan o‘tkazish talabi bilan petisiya e’lon qildi.

Fransiyalik ishqibozlarning noroziligiga Ispaniya foydasiga belgilangan penalti sabab bo‘lgan. Ularning iddaosiga ko‘ra, vaziyat davomida Lamin Yamal to‘pga qo‘li bilan tegingan.

“Ispaniya foydasiga penalti belgilanayotgan vaziyatda Lamin Yamal qo‘l bilan o‘ynagan edi. Fransiya o‘yinning borishini butunlay o‘zgartirib yuborgan bu birinchi golni o‘tkazib yubormasligi kerak edi. Sport qoidalarga asoslanishi lozim, ammo o‘sha bahsda ushbu qoidalarga rioya qilinmadi”, deyiladi petisiya matnida.

Ayni paytga kelib, ushbu petisiyani 76 ming kishi imzolagan. Qolaversa, uchrashuvdan so‘ng Fransiya terma jamoasi bosh murabbiyi Didye Desham ham hakamning xatti-harakatlari va qarorlaridan norozi ekanligini bildirib o‘tgan.

Ma’lumot uchun, Ispaniya yarimfinal bahsida Fransiyani 2:0 hisobida mag‘lub etgan edi. Endi Fransiya terma jamoasi uchinchi o‘rin uchun kechadigan bahsda Angliyaga qarshi maydonga tushadi.