"Ford" elektromobillar ishlab chiqarish uchun ikkita yangi zavod qurmoqchi

AQShning "Ford" avtomobil kompaniyasi ham kelajagini elektromobillar bilan bog‘lashga qaror qilganiga ancha bo‘ldi. Bugun u shu maqsad doirasida AQShda 11,4 milliard dollarlik ikkita yangi zavod qurilishini e’lon qildi: ulardan birida elektromobillar uchun batareyalar ishlab chiqariladi; ikkinchisida esa elektromobillar yig‘iladi.

Har ikki zavod jami 11 mingdan ortiq yangi ish o‘rni yaratishi aytilmoqda.

Kompaniya 2025 yilgacha elektromobillar ishlab chiqarish uchun 30 milliard dollar sarflashga qaror qilgan. 2030-yilga borib "Ford" nomi ostida sotiladigan barcha avtomobillarning 40-50 foizi elektromobil bo‘lishi kutilyapti.