«Foizsiz kredit» bu tuzoq! 400 nafar fuqarodan 17 milliard so‘m o‘zlashtirgan guruh fosh etildi

Toshkent viloyati IIBB tezkor xodimlari internetda «foizsiz kredit olib beramiz» mazmunida joylashtirilayotgan e’lonlarni kuzatuvga oldi.

Tezkor tadbirlar davomida ushbu e’lonlar orqali fuqarolarni aldab, ulardan pul olgan jinoiy guruh faoliyati fosh etilgan.

Dastlabki ma’lumotlarga ko‘ra, guruh 400 nafar fuqarodan 17 milliard so‘m o‘zlashtirgan.
Holat yuzasidan tergov harakatlari olib borilmoqda.

Foizsiz kredit va’dasiga ishonishdan oldin, e’lon ortida kim turganini tekshirib ko‘ring.