“Flydubai” Dubay-Namangan yo‘nalishida muntazam parvozlarni boshladi

Birlashgan Arab Amirliklari aviakompaniyasining Dubay-Namangan yo‘nalishidagi ilk reysi 25 sentyabrga o‘tar kechasi Namangan xalqaro aeroportiga kelib qo‘ngan. Boeing 737 havo kemasi yigirmaga yaqin yo‘lovchini Namanganga olib kelgan va u yerdan Dubayga 189 kishini olib ketgan.

Dubay-Namangan yo‘nalishidagi pavozlar haftaning chorshanba va shanba kunlari, Namangan-Dubay yo‘nalishidagi reyslar esa payshanba va yakshanba kunlari amalga oshirilishi rejalashtirilgan.

Ma’lumot o‘rnida, bugungi kunda “Flydubai” Toshkent va Samarqandga muntazam aviaqatnovlarni amalga oshirib kelmoqda.