Farg‘ona va Qozog‘istonning Atirau viloyatlari o‘rtasida hamkorlik yo‘lga qo‘yilmoqda
Kecha viloyat hokimining o‘rinbosari – viloyat investisiyalar va tashqi savdo boshqarmasi boshlig‘i Iqboljon Ergashev Qozog‘istonning Atirau viloyati hokimining birinchi o‘rinbosari Serik Aydarbekov boshchiligidagi delegasiya vakillari bilan uchrashdi.
Uchrashuvda Atirau viloyatiga Farg‘ona viloyatidan qishloq xo‘jaligi va tekstil mahsulotlarini eksport qilish masalalari kun tartibidan o‘rin oldi.
Shuningdek, Atirau viloyatida baliqchilik yaxshi rivojlanganligi bois, bu sohada ham hamkorlikni yo‘lga qo‘yish muhokama qilindi, Atirau shahrida Farg‘ona viloyati Savdo uyini ochish taklif qilindi.
Muloqot davomida iyun oyida ikki tomon o‘rtasida onlayn muloqot o‘tkazishga va hamkorlik uchun zarur ma’lumotlar almashinishga, ortidan Farg‘ona viloyati delegasiyasining Atirau viloyatiga tashrifini tashkillashga kelishib olindi.