Fabio Kannavaro: «Tanqidlar bo‘lishi tabiiy»

O‘zbekiston milliy jamoasi bosh murabbiyi Fabio Kannavaro ertaga bo‘lib o‘tadigan Urugvayga qarshi o‘rtoqlik o‘yinidan oldin matbuot anjumanida ishtirok etdi.

«Avvalo, tashrif uchun barchaga rahmat aytaman. Biz kecha Malayziyaga yetib keldik va tiklanish mashg‘ulotlarini olib bordik hamda ertangi uchrashuvga tayyorgarlikni boshladik. Bu avvalgi uchrashuvdan ko‘ra farqli o‘yin bo‘ladi. Dunyodagi eng kuchli jamoa va eng kuchli murabbiylardan biri — Marselo Byelsaga qarshi bahs olib boramiz. Bizni oldinda qiyin o‘yin kutib turibdi. Biz raqibdan qo‘rqmaymiz va o‘z o‘yinimizni ko‘rsatmoqchimiz. Bu o‘rtoqlik uchrashuvi, lekin maydonda borimizni beramiz.

Bu o‘zimizni ko‘rsatishimiz uchun yaxshi imkoniyat. Ko‘proq to‘pni nazorat qilishga harakat qilamiz, chunki ularga imkoniyat berib bo‘lmaydi. Vaziyatni o‘z qo‘limizga olishimiz kerak. Har doim ham hujumda harakat qilib bo‘lmaydi.

Jahon chempionatida dunyoning eng kuchli jamoalariga qarshi o‘yin o‘tkazamiz. Biz aynan shunday uchrashuvlarga tayyorgarlik ko‘rishimiz kerak. Tanqidlar bo‘lishi tabiiy, lekin biz hamma sport turlarida bo‘lgani kabi natija haqida o‘ylashimiz kerak. O‘rtoqlik o‘yini bo‘lsa-da, bor imkoniyatimizni ishga solishimiz, qattiq ishlashimiz va birgalikda harakat qilishiz zarur. Bu sport va oddiy o‘yinlarida ham, barcha jihatlarni e’tiborga olish kerak.

O‘rtoqlik uchrashuvlarini o‘zimizni ko‘rsatish uchun imkoniyat, chunki mundialda bunga vaqt bo‘lmaydi. Uzoq safar kutib turgani uchun, ba’zi futbolchilarni ortiqcha charchatishni istamadik, men ularning barchalari bilan gaplashdim. Jahon chempionatiga qadar bizda 8 oy vaqt bor va biz barcha futbolchilarning o‘yinini kuzatamiz», - dedi 52 yoshli italiyalik mutaxassis.