Evropadagi ukrainalik qochoqlar soni ortishda davom etmoqda – Eurostat

May oyi davomida Yevropa Ittifoqining 26 ta davlatidan 22 tasida vaqtinchalik himoya maqomiga ega bo‘lgan ukrainaliklar soni ko‘paygan. Eng katta o‘sish Italiyada qayd etildi — 6250 kishiga (+15,3%). Keyingi o‘rinlarda Germaniya — 3610 nafarga (+0,3%) va Ispaniya — 2295 nafarga (+0,9%) oshgan.

Shu bilan birga, to‘rtta davlatda ukrainalik qochoqlar soni kamaygan. Eng katta kamayish Bolgariyada kuzatildi — 12 345 kishiga (-14,8%). Keyingi o‘rinlarda Polsha — minus 3750 nafar (-0,4%) va Fransiya — minus 665 nafar (-1,3%).

Eurostat'ning ta’kidlashicha, bir oylik keskin kamayishlar qochoqlarning ommaviy ravishda chiqib ketgani bilan emas, balki vaqtinchalik himoya oluvchilarni ro‘yxatdan chiqarish bo‘yicha milliy tartiblarning o‘ziga xos xususiyatlari bilan bog‘liq bo‘lishi mumkin.

Shuningdek, may oyi oxiriga kelib Yevropa Ittifoqi bo‘yicha Ukrainadan qochgan 4,38 million kishi vaqtinchalik himoya maqomiga ega bo‘lgan. Bir oy ichida ularning soni 7795 kishiga yoki 0,2 foizga ko‘paygan.