Evropada kelib chiqishi noma’lum gepatit aniqlandi

Evropa Ittifoqining 15 davlatida kelib chiqishi noma’lum gepatitning 95 ga yaqin holati aniqlangan. Bu haqda "Euractiv" portali Kasalliklar oldini olish va nazorat qilish bo‘yicha Yevropa markazi ma’lumotiga tayanib xabar tarqatgan.

Qayd etilishicha, eng ko‘p holat Italiya (35) va Ispaniya (22)da qayd etilgan. Infeksiya bir oylikdan 16 yoshgacha bo‘lgan bolalarda uchramoqda.

Avvalroq, Jahon sog‘liqni saqlash tashkiloti kelib chiqishi noma’lum o‘tkir gepatit, allaqachon, ko‘hna qit’aning 12 davlatiga kirib borgani, ushbu kasallik oqibatida bir kishi o‘lganini ma’lum qilgandi.