Evropa Ligasi. «Arsenal» so‘nggi daqiqalarda g‘alabani qo‘ldan chiqardi. «Manchester Yunayted» va «Roma» esa safarda g‘alabaga erishdi
Futbol bo‘yicha Yevropa Ligasi 1/4 final bosqichining ilk uchrashuvlari 8 aprel, payshanba kuni bo‘lib o‘tdi.
«Arsenal» o‘z maydonida «Slaviya»ni qabul qildi. Uchrashuvning asosiy qismida darvozalarga to‘p kiritilmadi. Faqatgina 86-daqiqaga kelib, Nikolas Pepe mezbonlarni hisobda oldinga olib chiqdi. Ammo 90+4-daqiqada Tomash Golesh muvozanatni tiklashga muvaffaq bo‘ldi. Shu tariqa London klubi o‘z maydonida kechgan bahsning so‘nggi pallasida g‘alabani qo‘ldan chiqardi.
«Arsenal» — «Slaviya» o‘yinida urilgan gollarni bu yerda ko‘rish mumkin — video.
«Manchester Yunayted» safarda «Granada»dan ustun keldi. 31-daqiqada Markus Reshford Viktor Lindelyofning zargarona uzatmasini golga aylantirdi. 90-daqiqada esa Brunu Fernandesh 11 metrlik jarima zarbasini golga aylantirdi.
«Granada» — «Manchester Yunayted» o‘yinida urilgan gollarni bu yerda ko‘rish mumkin — video.
«Roma» mehmonda «Ayaks»dan 2:1 hisobida ustun keldi. Rimliklarning gollariga Lorenso Pellegrini va Rojer Ibanes mualliflik qildi. «Ayaks» safida esa Devi Klassen o‘z hisobiga gol yozdirib qo‘ydi.
«Roma» — «Ayaks» o‘yinida urilgan gollarni bu yerda ko‘rish mumkin — video.
Chorak finalning dastlabki o‘yinlaridan o‘rin olgan yana bir bahsda «Vilyarreal» «Dinamo Z»ni mag‘lubiyatga uchratdi.
«Vilyarreal» —«Dinamo Z» o‘yinida urilgan gollarni bu yerda ko‘rish mumkin — video.
Mazkur bosqichning javob o‘yinlari 15 aprel sanasiga belgilangan.
Evropa Ligasi
1/4 final, dastlabki bahslar
8 aprel, payshanba
«Arsenal» Angliya – «Slaviya» Chexiya 1:1
Gollar: 1:0 – 86 Pepe, 1:1 – 90+4 Golesh.
«Arsenal»: Leno, Soaresh, Belyerin, Holding, Gabriel, Smit-Rou (Sebalyos, 88), Jaka, Parti (en-Nenni, 78), Saka (Pepe, 78), Villian (Martinelli, 73), Lyakazett (Obameyang, 78).
«Slaviya»: Kolarj, Borjil, Ba, Golesh, Zima, Stanchu (Masopust, 84), Gromada (Shevchik, 46), Provod, Dorli (Lingr, 69), Olayinka (Traore, 85), Sima (Kuxta, 69).
Ogohlantirishlar: Zima (47).
«Granada» Ispaniya – «Manchester Yunayted» Angliya 0:2
Gollar: 0:1 – 31 Reshford, 0:2 – 90, penalti Brunu Fernandesh.
«Granada»: Ruy Silva, Valyexo, Neva (Fulke, 74), Duarte (Herman Sanches, 54), Dias, Montoro, Puertas, Gonalon (Eteki, 86), Errera, Kenedi (Machis, 75), Soldado (Suares, 87).
«Manchester Yunayted»: de Xea, Maguayr, Shou (Telles, 46), Uan-Bissaka, Lindelyof, Pogba (Matich, 74), Brunu Fernandesh, Maktomini, Jeyms, Grinvud (van de Bek, 85), Reshford (Kavani, 66).
Ogohlantirishlar: Pogba (8), Maktomini (40), Shou (42), Duarte (51), Maguayr (72), Matich (84), Eteki (89).
«Ayaks» Niderlandiya – «Roma» Italiya 1:2
Gollar: 1:0 – 39 Klassen, 1:1 – 57 Pellegrini, 1:2 – 87 Rojer.
«Ayaks»: Sxerpen, Talyafiko, Timber, Alvares, Rensx (Klayber, 78), Tadich, Gravenberx, Neres (Brobbey, 64), Klassen, Antoni (Idrissi, 88), Martines.
«Roma»: Lopes, Spinassola (Kalafyori, 29), Manchini, Rojer, Bruno Peres, Diavara, Kristante, Veretu (Vilyar, 77), Pellegrini, Pedro (Karles Peres, 89), Jeko (Mayoral, 77).
Ogohlantirishlar: Rensx (71), Bruno Peres (78), Martines (86), Kristante (90), Kalafyori (90).
«Dinamo Z» Xorvatiya – «Vilyarreal» Ispaniya 0:1
Gol: 0:1 – 44, penalti Xerard Moreno.