Eron Hormuz bo‘g‘ozini ochish shartlarini ma’lum qildi

Agar Oq uy Tehronga qarshi sanksiyalarni bekor qilsa, Eron Hormuz bo‘g‘ozini ochishga rozi bo‘lishi mumkin.

Muzokaralar guruhiga yaqin manba bu haqda Fars axborot agentligiga ma’lum qildi.

"Ba’zi taxminlar va ommaviy axborot vositalaridagi tashviqotlarga zid ravishda, AQSh Moliya vazirligining oz sonli sanksiyalarni bekor qilishi Iroq hukumatining Vashington bilan o‘zaro munosabatlari bilan bog‘liq va Eron bilan kelishuvga hech qanday aloqasi yo‘q", dedi manba.

Nashr shuningdek, AQSh Hormuz bo‘g‘ozida belgilangan navigasiya tartiblariga zid bo‘lgan Islomobod anglashuv memorandumini buzganini eslatadi.

"Harbiy harakatlar va dengiz blokadasi bilan bir qatorda, neft va neft mahsulotlarini eksport qilish uchun ruxsatnomalarning bekor qilinishi muzlatilgan Eron aktivlariga kirishni cheklaydi. Normal holatni tiklash faqat Eron Hormuz bo‘g‘ozida tegishli choralarni ko‘rsa va AQSh o‘z majburiyatlarini amalda bajarsagina mumkin", deb ta’kidladi manba.

Uning so‘zlariga ko‘ra, Eron va Ummon o‘rtasida yakuniy kelishuvga erishilgan taqdirda ham, Hormuz bo‘g‘ozini ochish uchun qo‘shimcha choralar, jumladan, Qo‘shma Shtatlar tomonidan o‘z majburiyatlarini bajarish talab etiladi.

Eslatib o‘tamiz, Eron va Ummon ilgari Hormuz bo‘g‘ozidagi kema yo‘lining geografik xususiyatlari bo‘yicha kelishuvga erishgan edi.