Eron AQShning savdo lisenziyasining bekor qilinishini kelishuvni buzish deb atadi

AQShning Eron neft sektoriga qarshi sanksiyalarni yumshatish bo‘yicha lisenziyani bekor qilishi Islomobod memorandumining 10-moddasini ochiqchasiga buzishdir.

Bu haqda Eron Tashqi ishlar vazirligi bayonot berdi.

"Islomobod memorandumi imzolanganidan beri 20 kundan kam vaqt o‘tganiga qaramay, 21 iyunda berilgan umumiy lisenziyaning bekor qilinishi AQSh rasmiylarining yovuz niyatlari, beqarorligi va ishonchsizligining yana bir ko‘rsatkichidir", deb ta’kidladi vazirlik.

Tashqi ishlar vazirligi Eron o‘z milliy manfaatlari va xavfsizligini himoya qilish uchun barcha zarur choralarni ko‘rishini ma’lum qildi.

Avvalroq, 7 iyul kuni AQSh Moliya vazirligining Xorijiy aktivlarni nazorat qilish boshqarmasi (OFAC) Erondan neft va neft mahsulotlarini yetkazib berish va sotishga ruxsat beruvchi lisenziyani bekor qilganini e’lon qildi.

Keyinroq AQSh Markaziy qo‘mondonligi (CENTCOM) Eronga qarshi bir qator kuchli zarbalar boshlanganini e’lon qildi.