Emomali Rahmon o‘g‘lini davlat mukofoti bilan taqdirladi
Tojikiston prezidenti Emomali Rahmon amaldorlar va davlat arboblarini faxriy mukofotlarni topshirdi.
“88 kishi “Tojikiston Respublikasining Davlat mustaqilligining 30 yilligi” yubiley medali bilan taqdirlandi, ikki kishiga “Tojikistonda xizmat ko‘rsatgan ishchi” unvoni berildi”, - deyilgan prezident matbuot xizmati xabarida.
Chop qilingan suratlarda taqdirlanganlar orasida Emomali Rahmonning to‘ng‘ich o‘g‘li, Tojikiston parlamenti yuqori palatasi spikeri, Dushanbe shahri raisi Rustam Emomali ham bor.
Bundan tashqari, mamlakat bosh vaziri Kohir Rasulzoda, TIV rahbari Sirojiddin Muhriddin va boshqa siyosatchilar taqdirlangan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
