EI Xitoyga qaramlikni kamaytirish uchun yangi moliyaviy mexanizm ustida ishlamoqda – Bloomberg

Agentlikning yozishicha, Yevropa Ittifoqi Xitoyga bo‘lgan iqtisodiy qaramlikni kamaytirish va muhim ta’minot zanjirlarini diversifikasiya qilish maqsadida norasmiy ravishda "birdamlik vositasi" deb nomlangan yangi moliyaviy mexanizmni ishlab chiqmoqda.

Ushbu tashabbus Xitoy Xalq Respublikasi bilan savdo taqchilligi 360 milliard yevrodan oshib ketgan bir sharoitda logistikasini qayta tashkil etayotgan kompaniyalarni qo‘llab-quvvatlashni nazarda tutadi.

Shuningdek, strategiya muqobil yetkazib beruvchilarni izlash, Xitoyga Yevropa tovarlari eksportini oshirish va Pekin tomonidan iqtisodiy bosim o‘tkazilgan taqdirda savdo cheklovlarini joriy etish imkoniyatini ham o‘z ichiga oladi.

Tomonlar oktyabr oyiga qadar muzokaralarda sezilarli yutuqlarga erishishni kutishmoqda.