EI Rossiyaga qarshi sanksiyalarni uzaytirishni bir haftaga qoldirdi — Usmonov masalasi bahs markazida

Fransiya Alisher Usmonovni cheklovlar ro‘yxatdan chiqarishni talab qilganidan so‘ng, Yevropa Ittifoqi Rossiyaga qarshi sanksiyalarni faqat bir haftaga uzaytirdi.

Evroittifoq elchilari cheklovlar bo‘yicha kelishmovchiliklarni bartaraf etish maqsadida Rossiyaga qarshi sanksiyalarni faqat bir haftaga uzaytirishga kelishib oldilar.

Xabar berilishicha, Slovakiya va Fransiya ikki rossiyalik oligarx — Usmonov va Fridmanni cheklovlar ro‘yxatidan chiqarib tashlashni talab qilishda davom etayotgani sababli, Yevropa Ittifoqi davlatlari 3000 nafar Rossiya jismoniy va yuridik shaxslariga nisbatan sanksiyalarni uzaytirish borasida hamon bir to‘xtamga kela olmadi.

Diplomatlar ushbu 1 hafta ichida sanksiya rejimini uzaytirish bo‘yicha o‘zaro kelishuvga erishishga umid qilishmoqda.