Denis Manturov va Jamshid Xo‘jayev Rossiya-O‘zbekiston hamkorligi va sherikligini muhokama qildi

Muzokaralar chog‘ida Rossiya Sanoat va savdo vazirligi va O‘zbekiston tashqi savdo va investisiyalar vazirligi rahbarlari sanoat kooperasiyasining kompleks dasturini ishlab chiqishga e’tibor qaratdilar, deb xabar bermoqda Rossiyaning O‘zbekistondagi savdo vakolatxonasi.

U aviasiya, farmasevtika, kimyo, yengil sanoat, yog‘ochsozlik, avtomobilsozlik, yoqilg‘i-energetika kompleksi uchun ixtisoslashtirilgan va temir yo‘l mashinasozligi kabi tarmoqlarni o‘z ichiga oladi.

Shuningdek, vazirlar O‘zbekistonda Rossiya ishbilarmonlik missiyalarini o‘tkazish va kelgusi bahorda Toshkentda INNOPROM xalqaro sanoat ko‘rgazmasini o‘tkazish masalalarini ham muhokama qildi.