Davlat dumasi migrantlarni mamlakatdan chiqarib yuborishning yangi yo‘lini topdi

Davlat dumasi migrantlarni mamlakatdan chiqarib yuborish uchun asoslar ro‘yxatini 22 tadan 45 tagacha kengaytiruvchi qonunni qabul qildi.

Endi quyidagi holatlar uchun ham migrantlar deportasiya qilinishi mumkin:

— taqiqlangan ramzlarni targ‘ib qilish yoki namoyish etish;
— Rossiya hududiy yaxlitligini buzishga chaqiriqlar;
— «nomaqbul» deb topilgan tashkilotlar faoliyatida ishtirok etish;
— Rossiya Qurolli kuchlarini diskreditasiya qilish;
— mayda bezorilik;
— noqonuniy mitinglarda ishtirok etish;
— Rossiyaga qarshi sanksiyalar joriy etishga chaqirish;
— polisiya xodimi yoki harbiyning qonuniy talabiga bo‘ysunmaslik;
— ommaviy axborot vositalari erkinligini suiiste’mol qilish.