Chegarada vaksina bilan emlanganlik guvohnomasini talab qilmagan ma’qul - JSST
Butunjahon sog‘liqni saqlash tashkiloti chegaralarni kesib o‘tishda COVID-19 vaksinasi bilan emlanganlik guvohnomasini talab qilmaslikni tavsiya qiladi, deb xabar beradi BMTning Yangiliklar markazi.
BMT Favqulodda vaziyatlar qo‘mitasi shuningdek, koronavirusning yangi shtammlari bo‘yicha tavsiyalar berdi: mutaxassislar mamlakatlarning virus genomlarini ketma-ketligi sohasidagi imkoniyatlarini kengaytirishga chaqirishadi - bu mutasiyalarni aniqlashga imkon beradigan prosedura, shuningdek, turli mamlakatlar olimlari o‘rtasida faol axborot almashinuvini yo‘lga qo‘yish lozimligi aytilmoqda. Bundan tashqari, geografik havola qilinadigan nomlardan qochish uchun shtammlarga standartlashtirilgan nomlash tizimini ishlab chiqish taklif etiladi.
JSST, ta’kidlanganidek, allaqachon bu yo‘nalishda ish boshladi. Jahon sog‘liqni saqlash tashkiloti qo‘mitasi a’zolari butun dunyoda ishlab chiqarishni ko‘paytirish uchun vaksinalar, shuningdek, vaksinalar ishlab chiqarish texnologiyalaridan universal foydalanishni talab qilmoqdalar. JSST vaksinalarini ishlab chiqaruvchilardan zudlik bilan ma’lumotlarni taqdim etishni so‘rashmoqda, shunda mavjud bo‘lgan barcha dorilar shoshilinch foydalanish uchun sertifikatlanishi mumkin. Vaksinani taqsimlashni cheklaydigan ushbu ma’lumotni hali ham barcha kompaniyalar JSSTga yuborishmagan.
Jahon sog‘liqni saqlash tashkiloti ilgari xabar berganidek, vaksinalar COVID-19ning og‘ir yo‘llaridan himoya qiladi, ammo emlangan odam umuman yuqtirmasligi va kasallikni boshqalarga yuqtirmasligi hali ham isbotlanmagan - olimlar qo‘lida bo‘lgan ma’lumotlar juda cheklangan. Shuning uchun qo‘mita a’zolari chegaralarni kesib o‘tishda «emlash pasporti» ni talab qilishni tavsiya etmaydi. JSST Bosh direktorining o‘rinbosari Sumiya Svaminatanning aytishicha, hozirda 170 ta eksperimental vaksinalar klinikadan oldingi sinovlarda, 65 tasi klinik sinovlardan o‘tkazilmoqda, ulardan 15 tasi uchinchi va oxirgi bosqichda sinalmoqda.
